Maafisa 3 wakuu wasimamishwa kazi kwa ajili ya polisi laghai

Kamisheni ya Huduma za Polisi ya Kenya (NPSC) imewasimamisha kazi maafisa watatu kutokana na kesi ya mtu aliyeshtakiwa kwa kujifanya afisa wa polisi, liliripoti gazeti la The Standard la Kenya hapo Jumanne (tarehe 8 Januari).

Makala zinazohusiana

• Mwenyekiti wa Baraza la Jamhuri ya Mombasa aachiwa kwa dhamana
• Mwanasiasa wa Kenya ashtakiwa kwa kuchochea fujo, aachiwa kwa dhamana
• Msemaji wa Baraza la Jamhuri ya Mombasa apokea dhamana iliyopunguzwa, aendelea kushikiliwa
• Viongozi wa Baraza la Jamhuri ya Mombasa washindwa kupata dhamana

NPSC imewataja maafisa wapya wa kuchukua nafasi ya mkuu wa polisi wa Bonde la Ufa John M'Mbijiwe, Kamadoo wa Kikosi cha Kupambana na Wizi wa Maghala Rimi Ngugi na kamanda wa polisi wa Njoro Peter Nthiga.
Mwenyekiti wa NPSC Johnston Kavuludi alisema kamisheni iliamua kuwasimamisha kazi maafisa hao watatu baada ya uchunguzi wa awali kuwahusisha na kesi ya mtuhumiwa polisi laghai Joshua Waiganjo.
Kamati imeundwa kuchunguza ni vipi Waiganjo aliweza kufanya kazi kwa zaidi ya mwaka mmoja bila kufahamika, alisema Kavuludi. Kamati hiyo imepewa siku 21 kuripoti ugunduzi wake, alisema.
"Tumeweka mfumo wa kuhakikisha kwamba tunajua undani wa suala hili kiasi ya kwamba uchunguzi makini unafanyika kuonesha namna gani hasa kosa hili lilitokea na nani ndani ya kikosi cha polisi ni mkosa kwa namna yoyote ile," Kavuludi alisema.