Waziri wa mambo ya nje wa Somalia akutana na mwenzake wa Uingereza

Waziri wa Mambo ya Nje wa Somalia, Fowsiyo Yusuf Haji Aadan, alikutana na waziri wa mambo ya nje wa Uingereza William Hague mjini London siku ya Alhamisi (tarehe 3 Januari) kujadiliana maendeleo nchini Somalia.

Makala zinazohusiana

• Uingereza kufungua ubalozi nchini Somalia
• Jumuiya ya Kimataifa yaelenga usalama wa Somalia
• Mkutano juu ya Somalia wafunguliwa mjini Istanbul
• Waziri Mkuu wa Somalia: Matarajio makubwa kwa mkutano wa London

"Somalia imepiga hatua zinazoonekana za maendeleo kwenye miezi ya karibuni, kisiasa kufuatia kumalizika kwa kipindi cha mpito na katika kuimarisha usalama, huku al-Shabaab wakifukuzwa kwenye miji mikubwa. Ni jambo muhimu kwamba kasi hii iendelee," alisema Hague kwenye taarifa kwa vyombo vya habari.
Hague alisema Aadan alizungumzia mipango ya serikali ya Somalia kuimarisha usalama, kuongeza fursa za upatikanaji haki na kupigania utawala wenye uwazi kwenye masuala ya fedha, muafaka wa kisiasa na maendeleo ya kiuchumi. "Uingereza imedhamiria kushirikiana na serikali ya Somalia kusaidia vipaumbele hivi na kuhakikisha msaada wa pamoja wa kimataifa," alisema.
Aadan anatarajiwa kuzitembelea nchi nyengine kadhaa wiki hii kurekodi fedha za Somalia kwenye benki za kigeni.
Aadan alisema mkutano wake na Hague ulikuwa na "manufaa", kwa mujibu wa ukurasa wake wa Twitter.