Vifo vya Turkana vyaongezeka hadi 10

Miili minne mingine imegunduliwa kichakani baada ya uvamizi katika kijiji cha Kaptir nchini Kenya siku ya Ijumaa, kufikisha idadi ya vifo kufikia 10, gazeti la The Standard la Kenya liliripoti siku ya Jumamosi (tarehe 9 Februari). .

Makala zinazohusiana

• Watu sita wakamatwa kuhusiana na mauaji ya Kisumu
• Watu wenye silaha wamuua ofisa wa polisi Mandera
• Wezi wa mifugo huko Baringo waua 6
• Milipuko miwili yajeruhi 6 huko Garissa

Familia za wachungaji zimeanza kuhama kutoka eneo hilo bada ya mashambulizi ya Ijumaa, ambapo mifugo 2,000 iliibwa, afisa mkuu wa Turkana ya Kusini John Bosco Muutu alisema.
"Wamehama kuepuka kufikiwa na uvamizi mwengine," alisema. "Lakini tumezidisha usalama katika eneo hilo ili kuzuwia mashambulizi zaidi."
Miongoni mwa waliouawa ni askari wa akiba, wakati watu wengine watatu wanashukiwa kuwa wanatoka upande wa uvamizi, Muutu alisema.
Polisi wanashuku kuwa baadhi ya wavamizi walikimbilia Uganda na wanyama walichukuliwa kuelekea Pokot ya Kaskazini, alisema Mkuu wa Wilaya ya Turkana ya Kusini Elijah Kodoh. "Tumewaomba wenzetu walioko Pokot ya Magharibi na Kaskazini kushiririkiana ili kuwapata wanyama walioibwa," alisema.
Eneo la Turkana hivi karibuni limeshuhudia uvamizi wa mifugo, ikiwa ni pamoja na shambulizi katika jimbo la Baringo wiki iliyopita ambapo majambazi waliwapiga risasi na kuwaua watu sita, wakiwemo maafisa wa polisi watatu.