19 wafa kwenye ajali ya basi dogo magharibi mwa Kenya

Watu kumi na tisa walikufa karibu na mji wa Molo nchini Kenya pale basi dogo la abiria 14 lililobeba kiasi cha watu 28 lililokiuka barabara na kuingia kwenye mtaro siku ya Jumatano (tarehe 2 Januari), liliripoti gazeti la The Standard la Kenya.

Makala zinazohusiana

• Majambazi wa Baragoi watumia wanawake na watoto kama ngao
• Polisi wa Kenya ajeruhiwa kwa bomu la petroli
• Vyombo vya usalama vya Kenya wavipata vifaa vya uandikishaji vilivyoibwa
• 15 wakamatwa kwa kuiba bidhaa kwenye uwanja wa ndege wa Nairobi

Watu kumi na saba, akiwemo dereva, walikufa hapo hapo, huku wawili walikufa kutokana na majeraha baadaye katika Hospitali ya Wilaya ya Molo.
Gari hilo ilikuwa imepakia kupindukia na ilikuwa ikienda kwa kasi wakati ilipoacha barabara, alisema Mkuu wa Polisi wa Bonde la Ufa, John Mbijiwe, aliyeonya kwamba ikiwa kuna polisi yeyote aliyekuwa ameiona matatu hiyo na hakuchukua hatua atawajibishwa.
“Halikubaliki kuona Wakenya wasio hatia wakipoteza maisha yao wakati tayari sheria mpya za barabarani zipo,” alisema.
Ajali hiyo imetokea siku moja tu baada ya watu 11 kufa kwenye ajali nyengine ya gari katika barabara kuu ya Nakuru-Eldoret. Kwa uchache watu 54 wamekufa nchini Kenya katika ajali za barabarani tangu tarehe 31 Disemba, kwa mujibu wa gazeti la Daily Nation la Kenya.