Polisi wa Somalia, AMISOM waanza doria za usiku Mogadishu

Polisi wa Somalia na vikosi vya Umoja wa Afrika nchini humo vimeanza doria za usiku mjini Mogadishu, uliripoti mtandao wa al-Shahid wa Somalia siku ya Jumatano (tarehe 2 Januari).

Makala zinazohusiana

• Umoja wa Afrika unawapa mafunzo polisi wa Somalia kwenye kuchunguza uhalifu
• Wanajeshi wapya 1,000 tayari kuilinda Mogadishu
• Jeshi la Somalia laanzisha mpango mpya wa usalama mjini Mogadishu
• Kikosi cha Polisi cha Uganda chajiunga na AMISOM Mogadishu

Doria hizo zinakusudiwa kuweka usalama wa jumla na zitaendelea hadi Mogadishu iwe salama, alisema Jenerali Abdullahi Hassan Barise, mkuu wa upelelezi wa makosa ya uhalifu katika Kikosi cha Polisi ya Somalia.
Doria hizo mpya za usiku zinafuatia tangazo la Waziri Mkuu Abdi Farah Shirdon mnamo tarehe 29 Disemba kwamba serikali ya Somalia imewapa mafunzo wanajeshi 1,000 kuchukua nafasi na kuzuia kurudi kwa vizuizi haramu vya barabarani mjini Mogadishu.