Balozi mdogo wa Msumbiji ahimiza mashirikiano baina ya Tanzania na Msumbiji

 

 

 

 

 

 

Rate This

Balozi mdogo wa Msumbiji aliepo Zanzibar Bw, Bernado Constantino Lidimba amewataka Watanzania na Wanamsumbiji kuyaendeleza mashirikiano ya kiuchumi na kijamii yaliyopo baina ya nchi hizo ili kuuendeleza uhusiano uliojengeka kwa muda mrefu.

Ameyasema hayo katika hafla ya kuagana na wana jumuia ya Tanzania and Mozambique Friendship Association (TAMOFA) iliofanyika katika ofisi ya Ubalozi mdogo wa Msumbiji uliopo Kikwajuni mjini Zanzibar.

Amesema kuwa mahusiano hayo yalioasisiwa na marasi wa kwanza wa nchi hzo yanalengo la kujenga udugu miongoni mwa nhi hizo hivyo hapana budi kuyaendeleza mashirikiano hayo.

Amesema kuwa katika kuyaendeleza mashirikiano haya serikali za Tanzania na Msumbiji zimekuwa na tabia ya kubadilishana wanafunzi wa vyuo vikuu ili kuaendeleza mashirikiano hayo hadi katika nyanja za kielimu.

Aidha Bw. Lidimba  ameahidi kuwa balozi mzuri wa TAMOFA huko aendako, pia amewataka wanajumuia hao kujenga utamaduni wa kushirikiana na wananchi wengine wa Tanzania walioko Msumbiji kuweza kujiunga na jumuia hiyo ili kukuza mashirikiano hayo miongoni mwao.

Katika risala yao wanajumia ya TAMOFA walioiwasilisha kwa balozi huyo wameelezea kusikitishwa kwao kwa kumaliza muda wake nchini kwani amekuwa na msaada mkubwa kwa jumuia hiyo hivyo kumtaka aendelee kushirikiana nao pale watakapo hitaji ushirikiano wake.

Pia wamemtakia kheri na fanaka katika misha yake pamoja utendaji mwema wa kazi zake pale atakapo pangiwa kuendelea kufanya kazi.