Msalaba Mwekundu yatoa dola 300,000 kwa ajili ya mafuriko Kenya

Mfuko wa Huduma za Dharura za Majanga (DREF) wa Shirikisho la Kimataifa la Msalaba Mwekundu na Hilali Mwekundu (IFRC) ulitangaza siku za Jumanne (tarehe 15 Januari) kwamba imetenga kiasi cha dola 300,000 kuwasaidia watu 12,936 walioathiriwa na mafuriko katika majimbo ya Nyanza na Bonde la Ufa nchini Kenya.

Makala zinazohusiana

• Mafuriko makubwa Kenya na maporomoko ya ardhi vyawakosesha makazi watu 60,000
• Jamii za Jimbo la Kaskazini Mashariki zajiandaa kwa mafuriko
• Idadi ya vifo yaongezeka kutokana na mvua nchini Kenya
• Watu 7 wafa kwa mafuriko ya ghafla nchini Kenya

Mvua kubwa zilizoanza mwezi Disemba zimewaua watu 13 na kuwakosesha makazi watu 765 huku wengine watano wakiwa bado hawajulikani walipo, kwa mujibu wa IFRC. Watu waliobomolewa makaazi zao wanahifadhiwa kwa sasa kwenye majengo ya shule, makanisa, maduka ya umma na miongoni mwa familia wahisani, lakini wanafunzi watahitaji kuingia tena kurudi mashuleni.
Fedha hizo za DREF utakiwezesha chama cha Msalaba Mwekundu cha Kenya kuendelea na operesheni zake za kuwatafuta manusura na uokozi kwenye eneo hilo, kuwafuatilia watu waliopotea na kutoa huduma muhimu za chakula, maji safi na afya kwa watu walioathiriwa na mafuriko.
Idara ya Hali ya Hewa ya Kenya inatabiri kwamba mvua zitaendelea kipindi chote cha kati ya mwezi Januari, kwa mujibu wa Msalaba Mwekundu.