Wakenya watakiwa kusajili laini za simu au wakabiliane na kifungo, faini

Wizara ya Habari na Mawasiliano ya Kenya imewapa raia hadi Ijumaa (tarehe 4 Januari) kusajili laini zao za simu za mkononi, liliripoti gazeti la The Standard la Kenya.

Makala zinazohusiana

• Kenya kuzuia hotuba za chuki wakati uchaguzi unakaribia
• Wakaazi wa Nairobi waingiwa na wasiwasi kuhusu uhamaji kuelekea dijitali
• Kenya yaongoza katika teknolojia ya kutuma fedha kwa njia ya simu ya mkononi
• Mwenyekiti wa Baraza la Jamhuri ya Mombasa aachiwa kwa dhamana

“Tunao hadi hapo Ijumaa na kila mtu afahamu kwamba madhara ya kutosajili utakuja kuwagharimu shilingi 300,000 (dola 3,500) au miaka mitatu jela,” alisema Katibu Mkuu Bitange Ndemo. “Kanuni tayari zipo kwenye ofisi ya mwanasheria mkuu wa serikali na notisi ya kisheria itatangazwa kwenye gazeti Ijumaa.”
Muda wa mwisho wa kusajili ulikuwa ni Jumatatu, huku serikali ikitishia kuzifungia nambari zote zisizosajiliwa, lakini hakuna iliyozimwa hadi sasa.
Ndemo alisema hatua hiyo ya kuzichukulia hatua namba zisizosajiliwa ni muhimu kwa kuhakikisha msimu salama wa uchaguzi, ukiwawezesha polisi kufuatilia ujumbe unaochochea ghasia na kuwakamata wahusika, kiliripoti kituo cha Capital FM cha Kenya.
Kuna laini za simu milioni 30.8 zinazofanya kazi nchini Kenya, asilimia 80.4 zikiwa zimesajiliwa, kwa mujibu wa Kamisheni ya Mawasiliano ya Kenya.