Serikali ya Somalia yasikitikia vifo vya raia kwenye operesheni iliyoshindwa ya Ufaransa

erikali ya Somalia hapo siku ya Jumapili (tarehe 13 Januari) ilielezea kutoridhishwa kwake na operesheni ya jeshi la Ufaransa dhidi ya al-Shabaab iliyoshindwa huko Bulomarer ambapo raia wanane waliuawa, liliripoti Shirika la Habari la Taifa ya Somalia.  

Maafisa wa Somalia na wakaazi wa Mogadishu wakitoa maoni yao kuhusu kushindwa kwa operesheni ya Ufaransa tarehe 12 Januari kumuokoa mateka Denis Allex kutoka kwa wanamgambo wa al-Shabaab. Raia wanane wa Somalia waliripotiwa kuuawa katika tukio hilo. [Na AFP] Play Video

 

• Hatima ya askari wa upelelezi wa Ufaransa anayejulikana kwa jina la Denis Allex haijulikani baada ya opereseheni ya kijeshi kushindwa kumuokoa kutoka kwa al-Shabaab siku ya Jumamosi (tarehe 12 Januari). Allex alitekwa nyara na al-Shabaab Somalia hapo tarehe 14 Julai 2009. [Na AFP]
  

Makala zinazohusiana

• Mashambulizi dhidi ya al-Shabaab kuongezeka kufuatia kutekwa kwa mji wa Afgoye
• Al-Shabaab yatoroka Kismayu
• Kukombolewa kwa Balad kutoka kwa al-Shabaab kwafungua mlango kuelekea Jowhar
• Al-Shabaab wako katika ukingo wa kushindwa, wasema wachambuzi

"Hili ni tukio la kushtua lililofanywa na jeshi la Ufaransa, kwa bahati mbaya raia walipoteza maisha yao," alisema Waziri wa Mambo ya Nje Fowsiyo Yusuf Aadan baada ya mkutano wa dharura wa serikali, akiongeza kwamba serikali ya Somalia hapo zamani iliweza kuokoa maisha ya mateka kwa njia za mazungumzo.
Raia wanane na wanamgambo 17 wa al-Shabaab waliripotiwa kuuawa kwenye operesheni hiyo, ambayo lilikuwa jaribio la idara ya ujasusi ya Ufaransa kumuokoa jasusi Denis Allex ambaye amekuwa akishilikiwa mateka na al-Shabaab tangu mwaka 2009.
Mwanajeshi mmoja wa Ufaransa aliuawa wakati wa operesheni hiyo na mwengine aliripotiwa kukamatwa mateka na al-Shabaab. "Mwanajeshi huyo wa Ufaransa aliyekuwa kwenye uvamizi huo nchini Somalia alikufa kutokana na majeraha aliyopata," msemaji wa al-Shabaab Abdulaziz Abu Musab aliliambia shirika la habari la AFP. "Madaktari wetu walijaribu kumsaidia lakini hakuwa na bahati."
Wizara ya ulinzi ya Ufaransa hapo Jumatatu ilielezea wasiwasi wake kwamba al-Shabaab itaionesha miili ya mwanajeshi wake na Allex, ambaye Ufaransa wanaamini aliuawa wakati wa operesheni hiyo. Hata hivyo, al-Shabaab ilisema kwamba Allex yu hai na kwamba karibuni itatangaza hukumu yake juu ya majaliwa ya mateka huyo.
"Kila dalili kwa bahati mbaya zinatuongoza kuamini kwamba al-Shabaab inapanga kuonesha picha ya aibu na kuogofya" ya miili hiyo, alisema Waziri wa Ulinzi wa Ufaransa, Jean-Yves Le Drian
Tangu hapo al-Shabaab imetuma picha za mwili unaodhaniwa kuwa kamanda wa Kifaransa kwenye mtandao wake wa Twitter.