MPANGO MAALUM WA KUREKEBISHA SHERIA YA WANYAMA Z’BAR WAANZISHWA

Imewekwa na Mhammed Khamis

.Hii ndio hali halisi ya waendesha Gari za Ngombe wanavowatumia Wayama hawa kwa kujipatia Riziki zao

 WIZARA YA MIFUGO NA UVUVI IMEANDAA MPANGO MAALUM WA KUREKEBISHA SHERIA YA WANYAMA ILI KUDHIBITI UDHALILISHAJI UNAOFANYWA KWA WANYAMA HAO.

AKIZUNGUMZA NA MWANDISHI WETU  MWANASHERIA WA WIZARA HIYO BI AMNE SAID AMESEMA KUTOKANA NA KUONGEZEKA KWA UKATILI DHIDI YA WANYAMA SIKU HADI SIKU, WIZARA HIYO IMEONA IPO HAJA YA KUBADILISHA BAADHI YA VIFUNGU VYA SHERIA YA UKATILI DHIDI YA WANYAMA ILI KUPUNGUZA VITENDO HIVYO.

 AMESEMA MAREKEBISHO YA SHERIA HIYO IMEWEKA KIWANGO MAALUM CHA UBEBAJI WA MIZIGO USIOZIDI KILO CHA UZITO WA MNYAMA HUYO NA KUTOBEBESHWA MIZIGO KWA MNYAMA AMBAE HAJATIMIA UMRI WA MIAKA MIWILI.

AMESEMA SHERIA HIYO IMEANDAA UTARATIBU KWA WANANCHI KUTOA MAONI YAO ILI KUFANYA MAREKEBISHO YA SHERIA MPYA INAYOKWENDA NA WAKATI WA SASA.

 AMEFAHAMSHA KUWA MTU YOYOTE ATAKAEMDHALILISHA MNYAMA ATALAZIMIKA KUMHUDUMIA HADI APONE PAMOJA KULIPA FAINI ILIYOWEKWA.

 HIVYO AMEWATAKA WAFUGAJI KUTOWAACHIA WANYAMA WAO OVYO NA KUWAWEKA KWENYE MAZINGIRA MAZURI ILI KUMUONGEZEA KIPATO MFUGAJI NA KUEPUSHA UKATILI DHIDI YA WANYAMA HAO.